حل الفنان عمر الشناوي في فيديو، كاشفًا حريق لحق بدراجته النارية، صباح اليوم، والتي أسفر عنها إصابته بـ«حريق» في مناطق مُتفرقة من اليدين والرجلين، فيما لفت إلى أنه كان يظن أن «الموتوسيكل» يتعرض إلى السرقة لكنه تفاجأ بالحريق.
وقال الفنان عبر «انستجرام»: «صباح الخير يا جماعة حبيت أشارك معاكم، أنا صحيت على وعكة، صحيت على إنذار الموتوسكيل بيضرب، افتكرت حد بيسرق الموتوسيكل ومُخي بيهيألي أن حد بيسرق الموتوسيكل بتاعي، وجريت بسرعة، وسامع دربكة في الشارع تحت، بصيت لقيت الموتوسيكل في الحالة اللي شفتوها مولع».
وتابع الفنان: «ربنا يعفي عنا المايه كانت قاطعة فملقناش مايه نطفي وفضلنا ندور على مايه، ونبتدي ندور على رملة مافيش، قولت أجيب الطفاية من شنطة العربية ومش عارف أطلعها، وبعدين عرفت أطلعها، وطفيت الحريق وببص على الموتوسيكل لقيته سايح والحتة اللي في أخره ومش فاهم سايحه إزاي».
واستكمل: «من 6 ونصف الصبح ودا صباحي النهاردة، طبعًا اتحروقت في كل حتة إيديا ورجليا عشان كنت نازل حافي رجليا كلها متحروقة»، وشارك الفنان بلقطات للموتوسيكل ويبدو مُتفحمًا بعد الحريق، دون ظهور معالم واضحة للدراجة النارية، فيما لم يكشف الفنان «الشناوي» الأسباب وراء الحريق الذي نشب بـ«الموتوسيكل».
المصدر: المصري اليوم
